Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

ក្លិបបាល់ទាត់ចំនួន ២២ កក់កៅអីវគ្គចែកពូល UCL រដូវកាលក្រោយរួចជាស្រេច

  • ចុះផ្សាយថ្ងៃទី២៨ ខែឧសភា ឆ្នាំ២០២៣ ម៉ោង ១២:៥៩ នាទី ដោយ Mesa
  • 2323
  Aa |   aA

អង់គ្លេស៖ មកដល់ពេលនេះមានក្លិបបាល់ទាត់ចំនួន ២២ក្លិបហើយដែលបានកក់កៅអីបង្ហាញខ្លួនក្នុងពានរង្វាន់ UEFA Champions League រដូវកាល ២០២៣/២៤ ខណៈក្លិបផ្សេងៗកំពុងព្យាយាមក្នុងការប្រជែងយកកៅអីចំនួន ៣២ ដែលជាចំនួនក្រុមផ្លូវការសម្រាប់ការបង្ហាញខ្លួននៅក្របខណ្ឌកំពូលអឹរ៉ុបនារដូវកាលក្រោយនេះ។ 

នៅអង់គ្លេស ក្លិបចំនួន ៤ បានរកឃើញកៅអីវគ្គចែកពូលរួចជាស្រេចដែលរួមមាន Manchester City ដែលកំពុងឈានដល់វគ្គផ្តាច់ព្រ័ត្រ UCL រដូវកាលនេះ រួមទាំងជាម្ចាស់ជើងឯកលីគកំពូលអង់គ្លេសរដូវកាលនេះផងដែរ ដែលនឹងដឹកដៃ Arsenal, Manchester United និង Newcastle United ទៅបង្ហាញខ្លួននៅ UCL រដូវកាលក្រោយ។ ដោយឡែក ក្រុមនៅបារាំងវិញម្ចាស់កៅអីវគ្គចែកពូលចំនួន ២ ក៏បានរកឃើញផងដែររួមមានជើងឯក ១១សម័យកាលជាប់គ្នា Paris Saint-Germain និង RC Lens ខណៈ Marseille ទទួលបានកៅអីជម្រុះជុំទី៣ ក្នុងនាមជាក្រុមឈរចំណាត់ថ្នាក់លេខ៣។ ងាកទៅកាន់ក្រុមមកពីអាល្លឺម៉ង់ដែលទើបបិទបញ្ចប់រដូវកាលវិញ ក្លិបចំនួន ៤ ទទួលបានកៅអីវគ្គចែកពូលដោយស្វ័យប្រវត្តិរួមមានក្រុមជើងឯក១១សម័យកាលជាប់គ្នា Bayern Munich និងក្រុមជើងឯករង Borussia Dortmund ព្រមទាំងក្រុមចំណាត់ថ្នាក់លេខ៣ និងលេខ៤ RB Leipzig និង Union Berlin។

ងាកទៅកាន់លីគកំពូលចំនួន២ទៀតរួមមាន Serie A របស់អ៉ីតាលីដែលបានរកឃើញក្រុមចំនួន ៣ ជាផ្លូវការក្នុងការកក់កៅអីវគ្គចែកពូលដែលរួមមានម្ចាស់ជើងឯក Napoli, រួមនឹងបេក្ខភាពវគ្គផ្តាច់ព្រ័ត្ររដូវកាលនេះ Inter Milan ដែលកំពុងឈរនៅចំណាត់ថ្នាក់លេខ ២ រួមជាមួយនឹង Lazio ខណៈដែល AC Milan, Atalanta, AS Roma និង Juventus សុទ្ធសឹងតែកំពុងប្រទាញប្រទង់គ្នាក្នុងការដណ្តើមកៅអី Champions League។ នៅអេស្ប៉ាញឯណោះវិញ Barcelona, Real Madrid និង Atlético Madrid សុទ្ធតែបានកក់កៅអី UCL រួចរាល់ ខណៈ Real Soceidad ត្រូវការឈ្នះមួយប្រកួតទៀតប៉ុណ្ណោះដើម្បីដណ្តើមបានកៅអីវគ្គចែកពូលផ្លូវការ ដែលកំពុងប្រជែងដោយ Real Betis។ 

ក្រៅពីនេះ ក្រុមទទួលបានកៅអីវគ្គចែកពូលមួយទៀតនារដូវកាលនេះរួមមាន Sevilla ឬ Roma ដែលសុទ្ធតែអស់ឱកាសក្នុងលីគ ប៉ុន្តែអាចទទួលបានកៅអី UCL ប្រសិនបើក្លាយជាជើងឯក UEFA Europa League។ ងាកទៅក្រុមផ្សេងៗទៀតដែលបានកក់កៅអីនៅ UCL រដូវកាលក្រោយរួចជាស្រេចនោះរួមមាន Benfica ជាជើងឯកលីគព័រទុយហ្គាល់ រួមនឹងជើងឯករងគឺ FC Porto, Feyenoord ជើងឯកលីគហូឡង់, RB Salzburg ជើងឯកលីគកំពូលអូទ្រីស, Celtic ជើងឯកលីគកំពូលស្កុតលែន, Red Star Belgrade ជើងឯកលីគកំពូលស៊ែប និងជើងឯកលីគកំពូលអ៊ុយក្រែនដែល Shakhtar Donetsk មានភាគរយខ្ពស់ក្នុងការទទួលបានកៅអីនេះ៕


ព័ត៌មានជាច្រើនទៀតសម្រាប់អ្នក